Ln X

اليوم ركبت تصميم نور لمدونتها الجميله..

http://noor.r7ltamal.com/

تصميم رائع بجد.. وأعتذر جدااا يانور على تأخري بتركيبه..

وإن شاءالله يعجبك يالغالية..

 ”ستايل ملاك موجود ماشلته..يعطيها العافية”

ومبروك الفستان الجديد يانور..

قبل أنام قررت أدخل النت واشوف الاوضاع..

مريت على مدونة أسومه أبي أبارك لها بالعيد وماشاءالله لقيت مدونتها مليانة مواضيع جديدة ماقريتها..

 وأعجبني فكرة كويز سريع لتحديد أي نوع من المدونين أنت..

وطلعت أنا من هالنوع..

وأمرر هالكويز لـ MaLaK و Noor و Photon و بنت الروح (البقية شفت نتائجهم عند أسماء)

طبعا الهدف من الكويز المشاركة باليوم العالمي للمدونين والي هو بـ15 اكتوبر (بكرة) ومااتوقع بكون معهم للحين ماخلص عيدنا:P

 مررت لي أسماء هذا الواجب

- متى تشتري ثياب العيد غالباً ؟

ببداية شهر رمضان.. بس السنتين الأخيرة طحت بموضة ماأشتري ثياب عيد!

وماأروح إجتماعات العيد الكبيرة لانها تتعارض مع بعض (أهل امي-أهل أبوي-أهل ابو زوجي-أهل أم زوجي)

عشان محد يزعل اجلس بالبيت أبرك لي..الصباح بيت اهلي وبالمساء بيت أهله.. وبلا لبس عيد بلا هم..

ـ ما نوع الماركات المحببة لديك؟

مافي مركة محددة.. بس ماأحب الألوان الصارخة.. وقليل أجرب شيء غريب.. يعني مو أي غريب يتجرب..

ـ هل لديك طقوس معينة في شراء مثل هذه الملابس .. مثل؟

ضروري أمر على كل المحلات..وأشوف كل ماأعجبني شيء اقول لا بشوف أحلى منه

و إذا موجود السواق طلعت الطقوس الثانية أروح أكثر من سوق وفرع.. بس لو ماعندي إلا هالمشوار ماأرجع بخفي حنين لازم اشتري فاأجلس بالساعات بنفس السوق (مجبورة على مشوار واحد لازم أستفيد منه) لين أطلع بالي ابيه.

ـ ما معيارك في شراء الملابس .. هل هو الغلاء أم الشكل المميز ؟

لا الغلاء مو معيار بس الجودة اكيد.. والأهم منها الشكل لازم يكون داخل مزاجي..

ـ ما رأيك بموضة تطريز الثياب المنتشرة أخيراً ؟

ماسمعت عنها إلا من المدونات الي حلت هذا الواجب؟؟ ماكنت أعرف حتى الثياب فيها موضة

أمرر الواجب لـ MaLaK و نور و الشريرة .. عاد لا تفشلوني وجاوبوا عليه